2030 йилга бориб аҳоли жон бошига тўғри келувчи ЯИМ миқдори 4 минг доллардан оширилиши маълум қилинди.

Аҳоли жон бошига тўғри келувчи ЯИМ миқдорини 2025 йилда 2 500 АҚШ доллари ҳамда 2030 йилда 4 000 АҚШ долларидан юқори бўлишини таъминлаган ҳолда республиканинг Жаҳон банки таснифи бўйича «юқори ўрта даромадли» мамлакатлар гуруҳига кириши учун имконият яратилади.

Шунингдек, мамлакатда камбағаллик даражасини камида 2 баробарга, оналар ўлими кўрсаткичини учдан бир баробарга, янги туғилган чақалоқлар ва 5 ёшгача бўлган болалар орасидаги ўлимни 2 баробарга камайтиришни таъминлаш чоралари кўрилади.