Бугун Жиззахдаги анжуманлар саройида  8 март – Халқаро хотин-қизлар куни муносабати билан байрам тадбири ўтказилди.

Аёлнинг нафосати ва назокати, вафо ва садоқати, ақл-заковати ва фидойилиги асрлар мобайнида ер юзида ҳаёт давомийлиги ва абадийлигига асос бўлиб келади. Шу боис ҳам дунёдаги энг буюк санъат асарлари, қўшиқ ва қасидалар, меъморий обидалар аёллар шаънига бағишлангандир.

Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сизлар билан ҳаётимиз гўзал ва мазмунли, хонадонларимиз обод ва нурафшондир.

Ер юзида сўз ва соз санъати, шоиру ҳофиз, рассом ва ҳайкалтарош пайдо бўлибдики, она ва аёл зоти юксак пардаларда тараннум этиб келинади.

Тадбирда вилоят ҳокими Эргаш Салиев сўзга чиқиб, вилоятимиз хотин қизларини табриклади ва фаол бўлган аёллар ва қизларга фахрий ёрлиқ ҳамда эсадалик совғаларини топширди.

Вилоят ҳокимлиги Ахборот хизмати