Маст ҳолатда бўлган эркак Ленинград вилоятидаги дарё бўйида чиройли селфи олишга уринган, лекин қоқилиб, дарёга қулаб тушган.

Ленинград вилояти авария хизматининг хабар беришича, ўзбекистонлик 55 ёшли фуқаро Волхов дарёси бўйида дам олиб, спиртли ичимликлар ичиб, ҳаммасини телефон камерасига ёзиб олган. Маълум бир пайтда эркак сув яқинида чиройли кадр олмоқчи бўлган, лекин мувозанатни йўқотиб, у қоқилиб кетган ва дарёга тушган. Афсуски, у ердан чиқа олмаган.

Қутқарувчилар марҳумнинг жасадини сувдан чиқариб олиб, ҳуқуқни муҳофаза қилиш идорасига топширган, тергов олиб борилмоқда.