Андижон вилоятида яшовчи эркак Damas салонига бир вақтнинг ўзида 32 нафар болани миндирган. Бунинг учун у жаримага тортилган, "резинали" машина эса жарима майдончасига жойлаштирилган.  

Вилоят ички ишлар бошқармаси матбуот хизматининг хабар беришича, воқеа 4 сентябрь куни Андижон туманидаги "Катта Ғузор" маҳалласида содир бўлган. Ҳайдовчи болаларни олиб, оилавий болалар боғчасига олиб бораётган бўлган. У машинага "болалар" белгисини ўрнатган. Болалар олд ўриндиқда ҳам ўтқизилган.

Эркакка нисбатан маъмурий баённома тузилган. Автомобиль жарима майдончасига жойлаштирилган ва ҳуқуқбузар базавий ҳисоблаш миқдорининг 0,5 баравари (187,5 минг сўм) миқдорида жаримага тортилган. Ҳуқуқ-тартибот идоралари ходимлари ҳайдовчи билан профилактик суҳбат ўтказган.

Таъкидлаш керакки, Damas  ҳайдовчиси ушбу машинага керак бўлгандан кўра кўпроқ одамни жойлаштириши биринчи марта эмас. Сўнгги бир неча ой ичида бир нечта бундай ҳодисалар аниқланган. Масалан, Тошкент вилоятида Damas ҳайдовчиси салонда бир вақтнинг ўзида ўнта катта ёшли йўловчини олиб кетаётган эди. Бошқа ҳолатда, ўриндиқлари бўлмаган микроавтобус ҳайдовчиси юк хонасида одамларни ташиган.