Глобал Экологик Фонднинг Ўзбекистондаги Кичик Грантлар Дастури (ГЭФ КГД) табиий ресурсларни асраш, жумладан тупроқни унумдорлигини яхшилаш ва ошириш, биохилма-хилликни, энергия ва сув ресурсларини сақлаш ва ишлаб чиқаришга қаратилган лойиҳаларни қўллаб-қувватлаш учун грантлар танловини эълон қилади.

ГЭФ КГД Ўзбекистонда 2008 йилдан буён фаолият юритиб келмоқда ва шу кунга қадар 100 дан ортиқ лойиҳаларни қўллаб-қувватлади. Биз – экологик дастурмиз ва биринчи навбатда табиий ресурсларидан оқилона фойдаланиш, яхшилаш ва муҳофаза қилувчи лойиҳаларга қаратилганмиз. Бизнинг ёндашувимиз қуйидагича:

• Биз табиий ресурсларни яхшилаш ва сақлайдиган технологиялар ва амалиётларни излаяпмиз ва айни пайтда маҳаллий аҳоли учун яхши яшаш учун шароит яратмоқдамиз - табиат фақат одамлар учун фойдали бўлгандагина сақланиб қолиши мумкин!

• Биз ташаббускорларга - ғояларга эга бўлган, ўз олдига мақсадлар қўйган ва унга эришмоқчи бўлган "чемпион" ларга молиявий, грант кўмак бериб, ўзгача технология намойишини амалга оширишга ёрдам берамиз.

Бизнинг якуний мақсадимиз бошқа фойдаланувчилар ҳам, бизнинг "чемпион" каби, таклиф қилинаетган технологияни, имкон қадар кенгроқ қамровда, мустақил равишда фойдалансин деймиз. Зеро, таклиф этилган технология ҳозирги технологиядан яхшироқ бўлса, уни қанча кўп одам амалиётга татбиқ этса, табиий ресурслар ҳам ўз навбатида шунча тежалади.

Таклиф этилган ғоялар мезонлари оддий:

1. Таклиф этилаётган лойиҳа иқлим ўзгариши, ер деградациясига қарши курашиш ёки биохилма-хилликни асраш соҳасида аниқ экологик фойда келтирадиган баъзи янги технология, амалиёт, ёндашувни амалга ошириши лозим.

2. Ушбу технология ресурслардан фойдаланувчилари орасида кенг қўлланилиши салоҳиятига эга бўлиши лозим.

3. Лойиҳа нодавлат, нотижорат ташкилот орқали тақдим этилиши лозим.

4. Максимал грант миқдори 50 минг АҚШ долларини ташкил этади.

5. Лойиҳадаги улушингиз биз молиялаштирадиган улушдан кам бўлмаслиги керак, яъни лойиҳа умумий суммасининг 50% дан кам бўлмаслиги керак.

6. Сизнинг лойиҳангиз нафақат бир кишига, балки бутун жамиятга фойда олиб келиши зарур.

7. Бу бир марталик эмас, балки барқарор лойиҳа бўлиши керак. Яъни, лойиҳа тугагандан кейин ҳам, у, Сизнинг лойиҳангиз бизнинг ёрдамимизсиз яшаши лозим.

Кичик грантлар дастури ҳақида батафсил маълумотни интернет саҳифасидан топишингиз мумкин: http://sgp.uz/ru/procwork

Саволларига жавоб олишни истаганлар учун очиқ учрашув ўтказишни режалаштирмоқдамиз. Мазкур учрашув

2021 йили 15 сентябрь куни соат 14.00 дан 16.00 гача бўлиб ўтади,

манзил: Тошкент, Истиқбол кўчаси-8, BookCafe.

Ушбу учрашув ҳақида қўшимча маълумотлар сайтимизга жойланади: http://sgp.uz/ru/news ва http://sgp.uz/uz/news.

Қуйида келтирилган рақамлар орқали бизга мурожаат қилиб батафсил маълумот олишингиз ҳам мумкин.

Барча манфаатдор шахслардан ўз савол ва мулоҳазаларини қуйидаги телефон рақамлари орқали тақдим этишларини сўраймиз:

Алексей Волков, ГЭФ КГД нинг Ўзбекистондаги Миллий Координатори

Тел.: (+998) 78 120 34 62; (+998) 93 381 00 82

Манзил: Тошкент, 100029, Т.Шевченко кўчаси, 4

Электрон манзил: alexey.volkov@undp.org

Ўзбек тилида консультация олиш учун:

Максад Бауетдинов, ГЭФ КГД Дастур ассистенти

Тел.: (+998) 78 120 34 50 (қўшимча 205); (+998) 93 501 65 85

Манзил: Тошкент, 100029, Т. Shevchenko кўч. 4

Электрон манзил: makhsad.bauetdinov@undp.org

ГЭФ КГД ижтимоий тармоқларда:

Телеграм: https://t.me/gef_sgp_uzb

Фейсбук: https://www.facebook.com/sgp.uz/