Har bir yangi narsa – yaxshi unutilgan eski narsadir, degan gap bor. Ushbu gap feyk habarlar uchun ham istisno emas.

Qozog‘iston ijtimoiy tarmoqlarida eski feyklar to‘lqini boshlandi.

Foydalanuvchilar “ertadan boshlab messenjer orqali fotosuratlar va videolarni yuborish viruslar tufayli xavfli bo‘ladi” deb qo‘rqishmoqda.

HUKM: FEYK

Firibgarlar bor e’tiborini go‘yoki ishonchli manbaga qaratib, Ichki ishlar vazirligiga ishora qilmoqda. Biroq, bularning barchasi yolg‘on. “StopFake”ning taʼkidlashicha, media fayllar orqali tarqatiladigan viruslar haqidagi feyk birinchi marta 2022-yilning sentyabrida paydo boʻlgan.

O‘shanda Qozog‘iston Ichki ishlar vazirligi bu ma’lumotni rasman rad etib, bunday xabarlar haqiqatga to‘g‘ri kelmasligini aytgan.

“Kompyuter va telefonlarni oʻchirib qoʻyishi mumkin boʻlgan surat va videolar orqali tarqatilayotgan viruslar haqidagi maʼlumotlar haqiqatga asoslanmagan va feykdir”, — deyiladi IIV matbuot xizmati xabarida.

Tarqatmalarda IShID bilan bog‘liq noma’lum raqamlardan xavfli deb taxmin qilingan qo‘ng‘iroqlar haqida ogohlantirish ham bor. Ushbu feykka ko‘ra, agar siz bunday raqamlarga qayta qo‘ng‘iroq qilsangiz, tajovuzkorlar kontaktlar va bank ma’lumotlariga kirish imkoniyatiga ega bo‘ladilar.

Yolg‘on ma’lumotlar eski bo‘lishiga qaramay, bu ular yana muhokama mavzusiga aylanishiga to‘sqinlik qilmaydi.

Nima bo‘lganda ham, shubhali raqamlardan qo‘ng‘iroqlarni qabul qilishda ehtiyot bo‘lishingiz va bank kartangiz ma’lumotlarini baham ko‘rmasligingiz kerak. Ijtimoiy tarmoqlarda esa shubhali havolalarga o‘tmang.