Жаҳон соғлиқни сақлаш ташкилотининг вакили Мелита Вуйнович тиббий ниқобни кўзойнак билан тақишга мажбур бўлган одамларга ундан қандай қилиб тўғри фойдаланиш бўйича маслаҳат берди.
«Ниқоб таққанда кўзойнагингиз бўлса, уни ечиб қўйинг. Агар кўзойнак тақишга мажбур бўлсангиз, уни сал пастроққа туширинг, шунда унинг ойнаси буғланиб кетмайди», — дея тушунтирди у.
Вуйновичнинг сўзларига кўра, кўзойнакнинг хиралашиши ниқобни нотўғри таққанликдан далолат беради.
