Qisqacha mazmun. Vesti.uz saytida “Mirziyoyev “qora belgi” oldi” sarlavhali material paydo bo‘ldi.
Muallifning ta’kidlashicha, “G‘arb o‘zining strategik manfaatlari doirasiga tushgan Markaziy Osiyoga jiddiy va uzoq vaqtga ko‘z tikdi. Bosim tobora kuchayib bormoqda”.
Materialda Buyuk Britaniya tashqi ishlar vaziri Devid Kemeronning tashrifi haqida so‘z yuritiladi va tahmin qilinadi: “Yevropa elitasi mintaqani halokatli tanlov oldiga qo‘ymoqchi bo‘lgan: Rossiya yoki Ukraina”.
HUKM: MANIPULYATSIYA
Javob: Factchecknet.uz avvalroq xorijlik siyosatchining O‘zbekistonga kelishini shunga o‘xshash talqin qilingani haqida yozgan edi.
Negadir vesti.uz maqolasida Markaziy Osiyo mamlakatlarini Turkiston deb atashga qaror qilishgan — ehtimol, bu tarixga hurmat va nostalgiyaga sho‘ng‘ishdir:
“Devid Kemeron paydo bo‘lgan darchadan Turkistonga o‘tib oldi, lekin O‘zbekiston prezidenti tomonidan qabul qilinmadi ham. U inson ta’tilda edi”.
Darhaqiqat, Shavkat Mirziyoyev qisqa muddatli ta’tilda edi, lekin u mualliflar hisoblab chiqganidek, 28-aprelgacha emas, balki 29-aprelgacha ta’tilda bo‘lgan. Biroq, avval boshdan chet ellik diplomat bilan uchrashish ko‘zda tutilmagan, u haqda oldindan e’lon qilinmagan. Shu bilan birga, O‘zbekiston va Buyuk Britaniya tashqi ishlar vazirlari o‘rtasida muloqot bo‘lib o‘tdi. Yuqori darajadagi uchrashuv o‘tkazish rejalari bo‘lmaganini hisobga olsak, bunday bayonot faktlar va holatlarning “qulog‘idan tortish” bo‘lib tuyuladi va manipulyatsiyaga o‘xshaydi.
O‘zbekistonning Yevroittifoq bilan munosabatlariga keladigan bo‘lsak, ular jadal rivojlanib bormoqda. 2024-yil yanvar oyida mamlakatimiz Prezidentining Yevropa Ittifoqi komissiyasi vitse-prezidenti boshchiligidagi Yevropa Ittifoqi delegatsiyasi bilan uchrashuvlari hamda davlatimiz rahbarining YI “Markaziy Osiyo — Yevropa Ittifoqi” ikkinchi sammitidagi nutqi buning yaqqol tasdig‘idir.
Vesti.uz mualliflari “Ozodlik”ning “ikki yil avvalgi surishtiruvi” nashrini “qora belgi” deb atagan. Aytilishicha, bunday maqolalar “G‘arb tomonidan mintaqadagi isyonkor siyosatchilarga bir necha bor yuborilgan”. Muallifning o‘zi materialning eski ekanligini ta’kidlaydi. Arxivda bunday “belgi” qaysidir holat uchun saqlanishi juda shubhali.
