Ҳиндистоннинг Жаҳонгиробод шаҳрида яшовчи Ахилеш Рават исмли 30 ёшли эркак яқинда хотини Раджани билан жанжаллашиб қолди.
Оқибатда жанжал қотиллик билан якун топди. Ахилеш Рават хотинини пичоқлаб ўлдирди. Сўнг бошини танасидан жудо қилиб, ўша бошни қўлларида баланд кўтарганча шаҳар бўйлаб бир ярим километрча йўл босди.
Шу орада Ҳиндистон мадҳиясини барала куйлашни ҳам унутмади. Шубҳасиз, полиция маҳкамаси ўша атрофда эди. Раватни қўлга олишди. Кейинчалик маълум бўлдики, эр-хотиннинг қизи яқинда оламдан ўтган. Шундан кейин Раджани ота уйига кетиб қолган. Рават эса қотилликка қўл урмасидан тўрт кун бурун хотинини қайтариб олиб келган экан. Айримлар қизининг ўлимида ҳам Раватнинг қўли бўлиши мумкинлигини тахмин қилмоқда.
