Chekish haqida ko‘plab fikrlar va farazlar mavjud. Keling, ba’zi keng tarqalgan afsonalarni ko‘rib chiqaylik.

Diskleymer – ma’lumotlar ochiq manbalardan olingan va xabardor bo‘lish uchun taqdim etilmoqda.

1-afsona. Chekish asablarni bo‘shashtiradi: yarim haqiqat

Nikotin qisqa muddatli boshashtirish tuyg‘usini keltirib chiqaradi. Bu zavq gormoni bo‘lgan dofaminning chiqarilishi tufayli yuzaga keladi. Biroq, bu ta’sir vaqtinchalik ekanligini unutmaslik kerak. Nikotin ta’siri tugagandan so‘ng, odam chekishdan oldingidan ham ko‘proq zo‘riqish va xavotirni boshdan kechirishi mumkin.

2-afsona. “Yengil” sigaretalar xavfsizroq: yolg‘on

Ko‘pchilik “yengil” sigaretalar kamroq zararli ekanligiga ishonadi. Aslida, ular yanada xavfli bo‘lishi mumkin. Chekuvchilar nikotin miqdori kamligini ko‘pincha chuqurroq va tez-tez tortish orqali qoplaydi. Bundan tashqari, “yengil” sigaretalar ham boshqa zararli moddalarni o‘z ichiga oladi.

3-afsona. Ko‘p yillar chekkandan keyin uni tashlashga juda kech: yolg‘on

Chekishni tashlashning kechi bo‘lmaydi. Tadqiqotlar shuni ko‘rsatadiki, hatto ko‘p yillar davomida chekkan odamlar ham sigaretani tashlaganidan keyin sog‘lig‘i darhol yaxshilana boshlagan. Sakkiz soatdan keyin nikotin va karbon monoksitning taxminan yarmi tanadan chiqariladi, bir kundan keyin organlar va to‘qimalardagi kislorod ta’minoti yaxshilanadi, o‘pka smolalardan tozalana boshlaydi va bir yildan keyin yurak-qon tomir kasalliklari xavfi ikki barobarga qisqaradi.

4-afsona. Chekish vaznni nazorat qilishga yordam beradi: yolg‘on

Uzoq vaqt davomida chekish vazn yo‘qotishga yoki vaznni nazorat qilishga yordam beradi, degan fikr mavjud edi. Biroq, Kopengagen universiteti olimlari tomonidan olib borilgan tadqiqot bu afsonani butunlay rad etdi.

1,5 million yevropalik chekuvchilar ishtirokida o‘tkazilgan tadqiqotda chekish aslida qorindagi yog‘ miqdorini oshirishi aniqlangan. Ayniqsa, tashvishli tomoni shundaki, u qorin bo‘shlig‘ida chuqur joylashgan vistseral yog‘ning to‘planishiga yordam beradi. Ushbu turdagi yog‘ yurak xastaligi, diabet, insult va dementsiya xavfi ortishi bilan bog‘liq.

Chekishni tashlaganidan keyin organizm ma’lum muddatga kaloriyalarni sekinroq yondirishi rost bo‘lsa-da, bu vaqtinchalik vazn ortishiga olib kelishi mumkin, chekishni davom ettirish odamni qomatiga joziba qo‘shmaydi. Aksincha, bu tanadagi yog‘larning nosog‘lom taqsimlanishiga olib kelishi mumkin.

5-afsona. Chekish – zararli odat: unchalik to‘g‘ri emas

Ko‘pchilik chekishni oddiygina yomon odat, uni osongina tashlash mumkin deb biladi. Chekish – bu tamaki tarkibidagi nikotin tufayli kelib chiqadigan o‘rganish shakli. Bu miyaga ta’sir qiladi, shuning uchun ko‘p odamlar uchun chekishni tashlash vaqt, kuch va ko‘pincha professional yordamni talab qiladigan qiyin jarayondir.

Chekishni tashlamoqchi bo‘lganlar uchun turli usullar mavjud:

• nikotinni almashtirish terapiyasi;
• psixologik yordam va maslahatlar;
• jismoniy faollik va to‘g‘ri ovqatlanish;
• meditatsiya;
• guruhlar tomonidan qo‘llab-quvvatlash.

Esda tutingki, chekishni tashlash vaqt va kuch talab qiladigan jarayondir. Natijalar bunga arziydi: sog‘lig‘ingiz yaxshilanadi, xarajatlar tejaladi va hayot sifati yaxshilanadi.