Har birimiz hech bo‘lmaganda bir marta Internetda kasalligimiz alomatlari tavsifini izlash orqali o‘zimizni diagnoz qo‘yishga harakat qilganmiz. Biroq, qoida tariqasida, mashhur saytlarda bir nechta maqolalarni o‘qib chiqqandan so‘ng, javoblar o‘rniga tashvish paydo bo‘ladi. Internet-resurslar hatto oddiy bosh og‘rig‘ini ham o‘limga olib boruvchi kasalliklar bilan bog‘laydi.
Media maydon odamlarni tinchlantirishga yordam beradigan, ammo ayni paytda ularni tashvishga soladigan tibbiy ma’lumotlar, testlar, diagnostikaning katta tanlovini taqdim etadi.
Foto: nzz.ch
2009-yilda Microsoft tadqiqotchilari bir qator kichik alomatlar bo‘yicha qidiruv natijalarini tekshirdilar. “Bosh og‘rig‘i” so‘rovi bo‘yicha 10 ta birinchi natijalar orasida 26% ehtimollik bilan miya shishi topildi.
Aldash sabablari
Afsuski, Internetda o‘z-o‘ziga tashxis qo‘yish har doim ham ishonchli emas.Garvard tibbiyot maktabida o‘tkazilgan tadqiqotga ko‘ra, hatto simptomlar asosida tashxisni qidirish uchun maxsus ishlab chiqilgan dasturlar kasallikni faqat 34% hollarda to‘g‘ri aniqlaydi.
Foto: shutterstock
faqat 34% hollarda to‘g‘ri aniqlaydi.
Qidiruv tizimi yordamida tashxisni mustaqil aniqlash, ehtimol, unchalik samarali emas, chunki tibbiy dasturlardan farqli o‘laroq, aniqlash ishonchsiz ma’lumotlarga asoslangan bo‘lishi mumkin.
Noto‘g‘ri tashxis qo‘yishdan tashqari, Internetda o‘z-o‘zini tashxislash boshqa xavflar bilan ham bog‘liq. Siz sog‘liq uchun haqiqiy tahdidni noto‘g‘ri baholashingiz mumkin.
Internetdan tashxis qo‘yishning xavf-xatarlaridan biri alomatlarning jiddiyligini kamaytirishdir.
Bunday holatlar alomatlarni haddan tashqari oshirib yuborishdan ko‘ra kamroq uchraydi, ammo juda jiddiy oqibatlarga olib kelishi mumkin. Kasallikni davolashning to‘g‘ri vaqtini o‘tkazib yuborish emas, balki o‘zingiz uchun “davolash”ni belgilashingiz ham xavflidir.
O‘zbekiston dorixonalarida ko‘plab dori vositalari retseptsiz sotiladi, shuning uchun ham odamlar ko‘pincha o‘z-o‘zidan davolashning xavfini bilmay, ulardan foydalanishadi.
Foto: LiveJournal
Dori-darmonlarni o‘zboshimchalik bilan qo‘llash bir qator xavflarni keltirib chiqaradi:
– noto‘g‘ri foydalanish tufayli preparatning katta dozasini to‘plash;
– preparatning samarasizligi va kasallikning rivojlanishi;
– moddalarning bir-biri bilan, oziq-ovqat yoki spirtli ichimliklar bilan o‘zaro ta’siri.
Bunday xavf-xatarlardan qochish uchun professional yordam uchun shifokorga murojaat qilish muhimdir. Faqatgina mutaxassis alomatlar va tekshiruvlarni har tomonlama tahlil qilish asosida aniq tashxis qo‘yishi mumkin.
Sizning sog‘ligingiz eng qimmatli ne’mat ekanligini unutmang va o‘zboshimchalik bilan tashxis qo‘yish va o‘z-o‘zini davolash bilan shug‘ullanishdan ko‘ra, shifokor qabuliga tashrif buyurish uchun vaqt sarflash yaxshiroqdir.
Faktchekerlar hamjamiyatiga qo‘shiling.
